Аналитика на 5-ти декември 2017 организираше тркалезна маса за полициски интегритет и ризиците од корупција во полицијата. Проектниот тим ги презентираше првичните наоди од овогодинешната проценка на полицискиот интегритет. Претставници на академската заедница и граѓански организации исто така придонесоа со свои презентации.

На работилницата учествуваа претставници од Министерството за економија, претставници од општините Аеродром, Центар и Чаир како и експерти во областа и претставници од невладиниот сектор.

„Аналитика“ на 09.11.2017 година на конференција ги претстави заклучоците од истражувањето „Мониторирање на јавните финансии во РМ“ во областа на јавен долг, праведно оданочување, јавна инфраструктура и јавни-приватни партнерства.

Аналитика тинк тенк, на 2 ноември во хотелот Бест Вестерн на ул. Македонија во Скопје је претстави студијата “Мрежно мерење во Република Македонија, можности, перспективи, примери – како до почиста енергија?„ (http://www.analyticamk.org/images/2017/mrezno_merenje_a40ba.pdf) која што го разгледува диркетното вклучување на домаќинствата во енергетскиот систем на РМ. Една од мерките за стимулирање на ваквиот развој е токму можноста физички лица без формирање на фирма да можат да произведуваат електрична енергија од обновливи извори и истата директно да ја предаваат во системот со можност за “порамнување„ со дистрибутерот на електрична енергија. Засега ваква можност не постои со што напредокот иако го има во секторот на обновливи тој е бавен и недоволен.