Аналитика тинк тенк организира презентација на истражување на тема “Напорите на Рeпублика Македонија во спротивставувањето на насилниот екстремизам - поглед од граѓанското општество.” Настанот ќе се одржи во среда, 19 октомври во хотел Мериот со почеток во 09:30 часот (регистрација).

Конференцијата која се одржа на 29 септември во ЕУ Инфо центарот беше последниот настан организиран во рамките на ЕУ финансираниот проект СЕЕ СЕП (Одржлива енергетска политика на Југоисточна Европа) во Македонија. Аналитика, заедно со партнерите Еко-свест и Фронт 21/42, ги презентираа наодите од две студии кои произлегуваат од Нискојаглеродниот енергетски калкулатор за Југоисточна Европа за 2050 година кој го објавивме во 2015 година.

Како дел од проектот „Пулсот за полициски интегритет и доверба на Западен Балкан", беше спроведено истражување на јавното мислење во Македонија на тема “Ставот на граѓаните околу работата на полицијата”.

На 15 и 16 септември 2016 година, се одржа втората конференција на ИПА Механизмот, кој ефикасно ја поддржува партиципативната демократија преку соработката меѓу Владата и граѓанските организации, организирана од страна на МЦЕО, Еко-свест, Реактор и Асоцијацијата Зенит.